السلام عليكم ورحمة الله وبركاته
اليوم بخبركم قصة العنز ام الخير
واظن معظمكم يعرف قصتها
ولكن برجع انزلها مرة ثانية بطريقة مختلفة وبصور ومعلومات اكثر
وبيكون الموضوع متجدد مع الاقتباس في كل مرة للتذكير فقط
نوع العنز ام الخير:
((فرنسية))
وخلونا نزور فرنسا قبل ونتعرف على بعض الاماكن فيها
وانا شارنها من عند العضو المميز(( سيف العين))
تمتار بكثرة الحليب ومقاومتها العالية للامراض ونسبة التوائم العالية
وهذي صور ام الخير
شي من الصور قديمة وشي يديدة
وللحصول على سلالة مميزة تم اختيار فحول سيتم عرضها عليكم
اول فحل دخل لتطوير السلالة هو الفحل(( السويسري الفاليسانا))
ويالله نروح على سويسرا واظن كلكم يعرف الصورة الاولى
نرجع لسويسرا ومناظرها
وهذي صورة الفحل
وفي هذا الرابط بعض المعلومات والصور لنفس النوعية
http://en.wikipedia.org/wiki/Valais_Blackneck
رابط ثاني
http://www.uaesheep.com/vb/#?t=20835
بعد 150 يوم ولله الحمد ولدت ام الخير ويابت صخلة وهذي صورتها
مرت الايام وكبرت لصخلة وبنكمل سالفتها بعدين
في المرحلة الثانية من التطوير تم تغيير الفحل
وهذي المرة كان الفحل تاندرا واللي هو مهجن مع وعل والله العالم
وهذي صور تاندرا
ولله الحمد بعد 150 يوم تقريبا ولدت ام الخير
ويابت 3 توائم كلهن صخلات
ورضعتهن كلهن بدون اي تدخل
وهذي صورة ثنتين منهن يوم صغار
كبرن الثلاث صخلات وفي عمر 7 او 8 اشهر اصبحن جاهزات للفحل
وهذي صورهن لما كملن سنة تقريبا
وهذي صور منوعه لهن
تكملة الحلقة السابقة
لقحن التوائم الثلاث مع امهن من فحل حو وهي صورته
وبعد مرور 5 اشهر تقريبا بدا الانتاج
ولدت ام الخير ووحدة من بناتها يابن توام وثنتين يابن واحد
و بيع جميع الانتاج
صور انتاج الحو ( صخلات فقط ) ( تم بيعهن)
قبل ما نبدا تكملة القصة ما خطر على بالكم سؤال؟
وين انتاج الفحل السويسري الفاليسانا وليش مانعرض مع البقية؟؟؟
بجاوب على السوال بعد التعريف بالفحل القادم بقوة لتطوير السلالة
وقبل ما يطور السلالة كان يحتاج بعض التعديل
نوع الفحل روسي
اربطوا الاحزمة والى روسيا
.svg/220px-Russian_Federation_(orthographic_projection).svg.png)
الحين بعرض لكم صور الفحل الروسي من وصل عندي للحين
شو صار فيه وكيف تغير ويمكن ما تصدق انه نفس الفحل
اول 3 صور للفحل اول ما وصل المزرعة شكله خروف هب تيس
الحين بدات عملية التحسين والتطوير
صورته بعد الحلاقة
بدات عملية التسمين والفايتامينات والاملاح وغيرها
شوفوا التغيير اللي صار في شكله وحجمه عن طريق الصور
وهذي الصور تعبر عن سنة كاملة من التغيير
وهذي اخر صور التقطت للفحل قبل ما يودع الشبك ويروح لعملية تطوير حلال الدار في شبك اخر
شو رايكم في عملية التغيير اللي صارت ؟
وشوفوا بعد ماكان
صار
والحين بجاوب على السوال اللي طرحته قبل شوي
تذكرون هذي لصخلة
شو صار فيها وليش ماعرضتها مع خواتها مع انها اكبر منهم؟
كبرت لصخلة وعشرن خواتها وهي بعدها
قلت احتمال تكون عاقر وقررت اذبحها ولكن بين عليها الحمل اخيرا
ومن التيس الروسي
ولدت العنز لاول مرة ويابت صخلة وكان الانتاج جدا مميز
وهذي صورة الانتاج الرائع
كبرت لصخلة وكل يوم تصير افضل من اللي قبله ولله الحمد
واخيرا كملت 10 شهور
وطبعا لما نرجع بالصور شوي نلاحظ ان هذي
ام هذي
والحين دور انتاج امها ام الخير وخواتها الثلاث
ام الخير ولله الحمد يابت 3 توائم كلهن صخلات وبناتها كلهن توائم
كان الانتاج هذي المرة
7 سخلات و2 تيوس
والتيوس تم بيعها لاحد الاشخاص
وهذي صور انتاج ام الخير صخلة بيضا وثنتين شرات لونها
وهذي بعض الصور لانتاج التوائم الثلاث واللي سبق عرضها في هذا الرابط
http://www.uaesheep.com/vb/#?t=72913
والذي ننتظر انتاجه شهر 11 و12 ان شاء الله
واللي بيطور انتاج الروسي ان شاء الله
وهو من نوع الكيكو الابرص وأصله من نيوزيلاندا
وقبل لا ندخل في التفاصيل
هذي بعض الصور لجزيرة نيوزيلاندا
وهي احد الوجهات المفضلة لعشاق التصوير حيث تحتوي على مناطق تعد الاجمل على كوكب الارض
الحين خلونا نستمتع مع صور نيوزيلاندا:
الحين نرجع لموضوعنا وخلونا نتعرف اكثر على ماعز الكيكو
في هذا الرابط موضوع مميز من عضو مميز ((سيف العين ))عن هذي النوعية
http://www.uaesheep.com/vb/#?t=21857
وهذا رابط ثاني لعضو اخر
http://www.uaesheep.com/vb/#?t=61542
وهذي الصور للفحل
وللقصة بقية
يتبع…….
اتمنى القصة عجبتكم واتمنى اسمع الردود الطيبة والنقد البناء والنصائح المفيدة للتطوير
وفي مجال للمناقشة والاستفسارات والمداخلات
شو رايكم في اختيار الفحول؟
ولو كان هذا الحلال حلالك كيف بطوره وشو الفحول اللي بتختارها؟
وغيرها من الاسئلة اللي تخطر على بالك
وشكر لكل من قرا القصة
|
المشاركة الأصلية كتبت بواسطة ملك الأبيض
 |
|
المشاركة الأصلية كتبت بواسطة راعى البكره
ما شاء الله تبارك الرحمن الله يعطيك العافيه وبتوفيق ان شاء الله
|
