هذا العرض خاص لعنز مكحله وموجود غيرها كثير حتى لا يكثر الكلام من الاخ ساري انه انا اعرض غشو وبس مع انه عرض واحد كان لي لمعزا غشو والباقي ربش تفضل اخي وعزيزي وحبيبي ساري ولو عندي اختلاف معاك في وجهات النظر لكن املك مكحلات ربش وغشو عطر وشهب واللي ايغرف من البحر ما يهمه. الحمدلله رب العالمين هاذي جذعه بنت كحيل بس خذ نبذه عن حلالي وكل اللي تامر عليه موجود وانا حاضر هاذي هي لون وتكحيله وصفاوة اذن وشعره وخد وراس لكن اتمنى انك اتعرف الناس اذواق وان مب ملزوم اعرض لك مكحلات لأنهن اعتبرهن معز عاديات او بالاصح شكل العوارض العادي وليس النادر.
تبارك الرحمن
الله يبارك لك في حلالك ان شاء الله
وما تعرض الا الزين
والله يعطيك العافيه
| وان مب ملزوم اعرض لك مكحلات لأنهن اعتبرهن معز عاديات او بالاصح شكل العوارض العادي وليس النادر. |
الله يباركلك فيها جفره عاديه وما فيها إلاا ذنوها
عالعموم
كيف يا اخوي محمد تتعنى وتشتري حلال الربع وعقب تعذرب فيه …
اما يعتبر هذا اهانه للربع
وهل المعز والجفار اللي انسامن وانباعن بسومات عاليه يعتبرن في نظرك من النوع العادي او الغير نادر..
صدقني يامحمد انك متخبط ف كلامك دوم
عالعموم انا نسخت مشاركتك كامله هذه
وخل الربع ف منتدى العوارض ينورونا بالحقيقة
او تعتذر وتسحب كلاامك
اتصدق يالسودي بديت اقتنع بكلام الريال اللي عرض عليك اتسوي فحص الدم الــdna عسب انعرف منو انت
دوم هاي حالتكم
والله مو عدله خلاص كلكم صح
الحلال طيب وحلو
عندي راي
نحط صوره بالعبد وصورة ساري ونشوف منو الخصم
اللي بيفوز بنزوجه ونشوف انتاجه
بس خلاص صرتوا سالفه كل مجلس وكل مكان اروح له يقولون لي شفت شو صار بين السويدي وساري
اقول الله يهديكم
وسعوا الخاطر على بعض
او تواعدوا وتضاربوا لين كل واحد يسمح من الثاني
الله يهديكم