عتاب الى ملاك عطايا الرحمن

لا حول ولا قوة الا بالله

المفروض انها تتصادر عن راغيها و تروح لشخص يقدر قيمتها

الله يعز الابل من بعض الناس

السلام عليكم ورحمة الله وبركاته

في البداية أحب أن أشكر الأخت غبيشة على طرح هذا الموضوع الحساس…..

وأحب أقول أن اللي يهد بوشه في الشوارع وعند الزبايل مفروض يخاف الله في عيال الناس وفي البوش اللي ربي رازقنه بهن بس الناس هاليومين للأسف اذا استوى حادث وحد من الناس دعم ناقته صاح على الناقة وما فكر في الناس اللي ماتوا وأهلهم صاحوهم و أعيالهم تيتموا وحريمهم ترملوا وأول شي يقوله مطيتي تسوى وتسوى والعرب ما يساوون شي عنده وعند مطيته ويطلب تعويض وقدره ….

والمفروض أنه صاحب المطية هو اللي يتغرم على أهماله ويتصادرن بوشه عنه ويتم بلاهن ….

أحب أقول لهم خافوا الله في الناس اللي تنفد من وراكم

واللي مايروم على طعامهن يخليهن للي يعرف سنعهن وقيمتهن

شكراً مرة أخرى أختي غبيشه على الطرح …..

الله المُستعّان،،،

تَقَبّلوا أَطيّبُ المُنَى،،،

الله يهديهــــــــم ان شاء الله,,,

من وجهة نظري ان راعي الحلال ما يهون عليه حلاله يرعى الله يكرمكم من الزباله … مرات حد من الرعيان يهمل الحلال ولا يعرف الحلال في مكان مرعى ولا في اماكن الكشر وفي النهاية راعي الحلال هوه المسئول الاول والاخير عن حلاله.

هذا القعود بيكون مالكه باكستاني . لأنهم بكثره في بلادنا . وبصراحه الغلط من المواطنين إلي مسوين عمارهم أهل الكرم ..

بختصر كلامي ..

القعود لما ينركض وما يسر عطاه باكستاني أو يبيعه له بألف مال فنش. والباكستاني يدوب يطعم عمره .. وين تباه يطعم القعود. فأحسن طريقه يسويها الباكستاني يفجه يأكل من الزباله. والبوش حتى القراطيس النيلون تأكلهن.

لكن أحسن حل تسوينه أختي غبيشه .. وللجميع أيضا .. تبليغ البلديه بالفور وعدم التسامح . وفي البلديه بيعرفون كيف يعتنون فيهن أو يستخدمونهن.

وبهذه الطريقه ما بتشوفين إلي شفتيه. يا ليت تحددي الموقع والاتصال للبلديه ووضع الملاحظه لهم. وهم بيقومون بدورهم.

تسلمين غبيشة على الموضوع المميز والمهم

مَاشَاء الله،،،
وين البلدية عنهااااا