السلام عليكم ورحمة الله وبركاته ، وبعد ..
بالنسبة لموضوع تحميل الصور ، فأنا بحاول
أشرحلكم طريقة التحميل بأبسط الخطوات ..
~~~~~~~~~~~~~~~~~~~~~~~~~
(1)
الموقع المعتمد لمنتديات أغنام الإمارات
لتحميل الصور هو الموجود في ( البانر )
اللي في أعلى الصفحة الرئيسية ..
{ واللي مأشر عليه بالسهم الأصفر }
~~~~~~~~~~~~~~~~~~~~~~~~~
(2)
ويوم تضغط عليه ، بيفتحلك صفحة
جديدة بهذا الشكل..
~~~~~~~~~~~~~~~~~~~~~~~~~
(3)
وعلشان تختار الصورة اللي تبغي تحملها
تضغط على (Browse) اللي عليه دائرة حمرا
~~~~~~~~~~~~~~~~~~~~~~~~~
(4)
وبينفتح لك صفحة جديدة ، تحدد منها الصورة
من جهازك ، وبعدين تضغط على (Open)
اللي لونه أزرق
[/SIZE]
(5)
عقب ما تضغط على (Open) بيطلع لك إختصار
الصورة في المكان المقابل لكلمة (Browse)
وتقدر تكرر العملية لتحميل 3 صور في كل مرة
وعقب ما تحدد الصور تضغط على ( تحميل )
اللي عليه دائرة حمرا
~~~~~~~~~~~~~~~~~~~~~~~~~
(6)
بيبدأ الموقع بتحميل الصورة
~~~~~~~~~~~~~~~~~~~~~~~~~
(7)
وبعدين بتطلع لك الصورة اللي حملتها
ولكن بحجم صغير وبجانبها 5 اختيارات
مثل الموضح في الصورة ..
~~~~~~~~~~~~~~~~~~~~~~~~~
(8)
تقوم باختيار السطر الثالث (كود المنتديات)
وبمجرد ما تحط الماوس على الاختصار
ويتم تظليله بتطلعلك رسالة ، وتختار (Allow access)
اللي عليه دائرة حمرا ..
~~~~~~~~~~~~~~~~~~~~~~~~~
(9)
يوم بتضغط على (Allow access) بتطلعلك
رسالة ثانية ( اللي في الصورة ) وتضغط على ( OK )
وهذا يعني أنه تم نسخ الرابط
~~~~~~~~~~~~~~~~~~~~~~~~~
(10)
بعدين تروح على الرسالة الجديدة اللي قاعد
تنشأها ( المكان الأبيض الموضح في الصورة
وعليه كلمة هــنـــــا )
~~~~~~~~~~~~~~~~~~~~~~~~~
(11)
وتلصق الرابط اللي تم نسخه في هذا المكان
وفي حالة إنك بغيت تعاين المشاركة كيف
شكلها قبل ما تعتمدها ، تضغط على
( معاينة المشاركة ) اللي عليها سهم أحمر
ويوم تبغي تعتمدها ، وتشارك بها ، إضغط
على ( اعتمد المشاركة ) اللي عليه سهم أخضر
~~~~~~~~~~~~~~~~~~~~~~~~~
ويجب مراعاة شي مهم جداً جداً
أثناء عملية تحميل الصور
أن الصور ذات الحجم الكبير لا يمكن تحميلها
وإنما يجب إعادة تصغير حجمها بما يتناسب
مع موقع التحميل ..
~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~