لازلنا وإياكم إخوتي وأخواتي في مطبخ غبيشة الشعبي 
والحين بذكركم بالطبق الاماراتي المشهور المرقوقة
وهو طبق لذيذ مكون من الصالونة سواء صالونة اللحم أو صالونة الدجاج
الطازج والخبز تقدرون تستخدمون الخبز الايراني أو ورق السمبوسة للي يحب طبعا أما اللبناني فلا أنصح به لأنه
يتكتل ويغدي عجين 
المهم تعالوا نتفرج مع بعض على الطريقة
نغسل الدجاجة جيدا
نقطع بصل
وشوية خضرة للصالونة كوسه وجزر وممكن فلفل
نبزر الدجاج ونخليه شوي
نقلى البصل لين يلين
نضيف الدجاج عليه
ووراه الخضرة وممكن اتضيفون البطاطس وفلفل بارد أو حار بس لا تكثرون 
ونملحه وانبهره وانحط اللومي الاسود وانغطيه لينما يستوي
نيب الخبز الوقافي وانقطعه قطع متوسطه
الصالونة تقريبا استوت
انضيف الخبز على الصالونة
وخلوه يستشرب الصالونة
اتركوه عشر دقايق وخلاف بندو الظو وقدموه في لقن غزير وبالعافية عليكم
وأنتو تعرفون آخر صورة من وين
اللهم إني صائم
صنتعته لكم أختكم غبيشة
|
المشاركة الأصلية كتبت بواسطة ملك الأبيض
 |
|
المشاركة الأصلية كتبت بواسطة عاشق النعام
يا سلام على الاكله الطيبه ويعطيج العافيه
|
زين انج يوم تذكرين الناس فيها هذى اكله شعبيه
الله يعطيج الصحه والعافيه
|
المشاركة الأصلية كتبت بواسطة محمد العلى
مشكوره وما قصرتى
زين انج يوم تذكرين الناس فيها هذى اكله شعبيه الله يعطيج الصحه والعافيه |
ماقصرني , على هالطبق اللذيذ
رووووعه
يسلمووو
وتسلم هالايادي
|
المشاركة الأصلية كتبت بواسطة م.هاوي
ماشاءالله يا غبيشة
ماقصرني , على هالطبق اللذيذ |
|
المشاركة الأصلية كتبت بواسطة الغويه
 رووووعه يسلمووو وتسلم هالايادي |