عندي سؤال بخصوص الأغنام النجدية، بس يمكن يكون غريب وأول مرة تسمعون به..
سؤالي بخصوص الانتاج:
هل هناك ذكر نجدي وأنثى نجدية :d ، لأني كل ما أقرأ موضوع عن النجدي أشوف الناس يكتبون فحل وما أشوف كلمة أنثى، واللي أعرفه ان الفحل يعني ذكر، فهل يكون انتاج النجدي عن طريق التهجين؟
كيييييف يكون الانتاج في النجدي؟؟؟ وشو النوع اللي تنصحوني أبدأ به؟؟ وشو شاريكم باللي موجود في سوق المواشي فالشارجة؟ 
بالنسبة لسؤالك ..
فأنا ( وبكل صراحة ) لم أفهم القصد منه
ولكن بحاول أجاوب من منطلق ما فهمته
تعتبر الأغنام النجدية كغيرها من أنواع الحلال
اللي تنتج الذكور والأناثي وكذلك التوائم
ولكن بالنسبة لبعض المصطلحات المستخدمة في
وصف الحلال والمتداولة في معظم عروضات الحلال
فأنا بكتب مجموعة منها ، وشرح بسيط لها :
فحل :
الكبش الذكر الكبير البالغ
طلي :
الكبش الذكر الصغير
شاه :
الياعدة الكبيرة البالغة
رخل :
الياعدة الصغيرة
خصم :
وصف مستوى الحلال بأنه ممتاز جدا
جرم :
ارتفاع مستوى الظهر ( الغارب ) عن الأرض
الغارب :
هي العظمة اللي في نهاية الرقبة وبداية الظهر ( وتكون بارزة )
رخم :
هو اللون الأصلي للنجدية ( الأبيض والأسود )
البراص :
هو شدة البياض في اللون ( يصل لدرجة اللون الوردي )
وبالنسبة لنوع الحلال ،، فيجب أن تكون عينك
هي ميزانك في الشراء ،، ولا تنتقي الشي
اللي أبوه فلان وأمه علانه بدون ما تشوفه
بعينك وترضى بمستواه
أما بالنسبة للحلال الموجود في سوق الشارجة
أو أي سوق من أسواق الحلال ، فهو عبارة عن
ذبايح وتبتاع في السوق ، وليست خصم
أرجو أن أكون جاوبت على جزء من السؤال
اعتقد اخوي الجرجاوي جاوبك على السوال الاول واتمنى يسمح لي اجاوبك على الجزء الثاني
اعتقد سوق راس الخيمة احسن من سوق الشارقة من حيث السعر والحلال واذا تبغي اي مساعده انا حاضر تواصل معي على الخاص
وشكرا
وانا مع كلام اخوي جرجاوي ان الي يوصل السوق من النجد هو عباره عن ذبايح ويواعد مهجنه ويكون مستوه تحت الطيب لان مستوى الطيب وفوق هذا الي يعتبر للانتاج او التناسل اما تحت الطيب لاتعب عمرك وتقنيه عسبت انك اطور فيه مابينفعك يعني حق انتاج ذبايح بس.