املك مزرعة .. وفيها اربي عدد ( صغير مبدأيا ) نجديات و نجديات مهجن
السؤال .. شو افضل شي ممكن ازرعه في المزرعة يوفر علي المصاريف والمخاسير
جزاكم الله خيرا
أنصحك بزراعة الليبد
وقت البرد بيكون نموه بطيئ ومن يدفى الجو ما بتلحق
واتمنى لك التوفيق
|
المشاركة الأصلية كتبت بواسطة zooro
 المسيبلو .. ولا الجت .. ولا الحشيش
|
الحشيش ازرعه .. لكن وين تنصحني احسن مكان اشتري فيه البذور
ونفس الشي الجت والمسيبلو .. وهل هناك شروط او وقت لزراعتهم ؟
|
المشاركة الأصلية كتبت بواسطة بواليازي
عليك بزراعة الرودس واذا الماء عندك ملوحته زينه البنيكم التنزاني
وقت البرد بيكون نموه بطيئ ومن يدفى الجو ما بتلحق واتمنى لك التوفيق |
مشكور اخوي .. وبصراحة ما ادري ليش ارتحت لردك .. وان شا لله ازرعه باذن الله
بس احسن وقت ابدأ الزراعة فيه .. من وين البذور ووقت الزراعة …. الخ
انت مجربة وكيف نتايجه على الحلال ؟
المسيبلو ممتاز
و البلوبنك
حاليه زارع لوبيا و حشيشة السودان و لبلاب و توردال و حشيش اللبيد و كله تحت التجربه ؛)
|
المشاركة الأصلية كتبت بواسطة أبو عبد الله
مشكور اخوي .. وبصراحة ما ادري ليش ارتحت لردك .. وان شا لله ازرعه باذن الله
بس احسن وقت ابدأ الزراعة فيه .. من وين البذور ووقت الزراعة …. الخ انت مجربة وكيف نتايجه على الحلال ؟ |
اخوي ابوعبدالله الرودس تقدر تزرع اي وقت وحتى باقي البذور بس البرد يأخر النمو شوي
من تزرع غطه بقريل واول ما تبدا البذور تطلع عندك يعني توها منبته تروح ترشها
بمبيد حشري لازم الرش ولا بيموت الزرع عندك
وبخصوص البذور تقدر تحصلها عند اي محل يبيع المواد الزراعيه في منطقتك هذا بخصوص
الرودس واشرط علي راعي المحل يعطيك قرنتي ان البذور تطلع مرات يغشونك تكون البذور
لحقتنها روطوبه
اما بخصوص بذور البنيكم التنزاني بتحصله في الذيد محل النبيل للمواد الزراعيه
وفيه محلات حوله تحصل جميع البذور الي في خاطرك رودس مسيبلو جميع البذور
تمنياتي لك بتوفيق