طبعا انا وعدتكم باني اسوي بلح البحر مشوي وانا عند وعدي ومسوي التتبيله وجاهزه بس بنزل الكم الموضوع باجر الصبح عندكم يعني فالليل عندنا.
طبعا هاذا هو دوج البحر…..
وهذا هو اللحم
البهارات
اهم خطوة ان يكون عندك مقلاية من النوع اللي ما تسوي حرق في القاعه يعني لو اتم اتقلي اتنشف لك الاكل بس من دون انه اتلصق الاكل وتحرقه.
المقادير : لحم دوج البحر – ورق غار – ورق الكزبرة اليابس وايضا حب الكزبرة المطحون – بصل – فلفله وحده طويله مخلله -معجون الثوم والزنجبيل – ولومي يابس بس اللي داخل من دون القشر لوميه وحده صغيره بس ولا تكثر علشان ما تطلع مره- بزار الوالده – ببريكا – كركم – جرفة – فلفل اسود وفلفل ابيض بودرة – حب مسمار – وحليب الرينبو ملعقتين طاولة – ملح – جوزة الطيب – معجون طماط – وقوطي طماطم مقطع صغار من شركة هاينتس المعلب اذا ما عندك حط طماط عادي بس انا افضل اني اطبخ بطماط هايتنس المعلب في جميع الطبخات ويطلع الاكل غير واطيب.
الطريقه:
قل البصل والفلفل المخلل طبعا مقطع صغار في الزيت لمدة دقيقه
ارمي لحم الدوج وحط ملعقه صغير معجون الثوم وملعقه صغير معجون الزنجبيل و وترمي جميع البهارات الباقي وكل ما عندك مع التحريك. لا تحط الطمام ولا الرينبو ولا معجون الطمام الحين.
طبعا تبتدي تقلي جميع الاشياء لين تنشف من الماي .
عقب احط ملعقه صغيره معجون الطماط مع الطماط وتغطيه على نار هاديه لين الطبخه تبتدي تاخذ اللون البوني مب الاحمر او بعده مصفره. واللون البوني هاذا يجي من زيت القلي كل ما خليت الاكل على النار الزيت يبتدي يغير لون الاكل.
بعدين تكشف عنه وتقليه لين اتنشفه من الماي وعقب اتحط ملعقتي حليب الرينبو وتبتدي اتقليه لين ينشف عدل زين ما زين وانته اتحرك واتحرك واتحرك واتحرك وتقلب الطبخه وتحرك وتحرك لين ينشف صح زين ما زين ولا اتشوف منه قطرة ماي. طبعا حليب الرينبو بيخفف لك الطعم في كل شي سواء الفلفل او الصوص او البزار وبيرجع الطبخه لوضعها الطبيعي وبيمزج لكل البهارات عدل قبل عملية التنشيف الاخيرة.
اهنيه اول ما حطيت الطماط و المعجون بتلاحظون الاكله فيها ماي
اهنيه بدت تنشف ونحط حليب الرينبو
اهنيه نشفت خلاص وجاهزه للاكل ولونها بوني
بس شغلك مرتب وحلو والاكله شكلها تنكل مع خبز
عوافي عليك والف صحه واحنا الخليجيين ما نصبر عن الزفر انحبه واندوره وب
ين ما أنروح
بصراحة كل شيء حلو الا المقادير يبيلها واحد فاضي هههههههههههههههههههه
شكرا لك استاذي
