أخواني أعضاء منتدى أغنام الإمارات المحترمين
مثل ما تعرفون أختفى علف الدواجن بكافة أنواعة من السوق وخاصة العلف الذي ينتجة مصنع المطاحن الكبرى (مصنع الإمارات) للعلف والدقيق من أكثر من 15 يوم وهذي الحالة صارت تتكرر كل بداية شهر بس الشهر الحالي زادت المدة…..مثل ما تعرفون أن حكومة أبوظبي تدعم هذا المصنع لكي يبيع الأعلاف على أصحاب العزب اللي يملكون بطاقات بأسعار مخفضة….وبما أن المصنع يستلم دعم فالمفروض أنه يكون قادر على توفير الكمية اللي يحتاجونها المواطنين وإذا ما يقدر المفروض أن الدعم يتحول للمصنع الثاني في أبوظبي وهو مصنع الوطنية …. المشكلة أن المصنع يقول كل مرة عندنا صيانة والمفروض أن المصنع يوفر الكمية اللي يحتاجونها المواطنين وبعدها يصين المصنع مش يوقف الإنتاج فجأة…من أسبوع دورت يونية علف دجاج بياض في أبوظبي سوق العلف وفي عزب الطيبة وفي محل الختم للأسف ما حصلت….وأعتقد أن مربي الحمام والنعام والدواجن عندهم نفس المشكلة….أتمنى مشاركة الجميع لنقل المشكلة إلى البث المباشر بالإتصال فيهم يوم الأحد أو على الأقل إرسال رسالة من جميع الأعضاء اللي عندهم نفس المشكلة والأرقام موجودة أدناه لعل وعسى أن يشوفون لنا حل….مع العلم بأن أحد السائقين أخبرني بأن المصنع طلع من كم يوم شاحنة كبيرة فيها علف دجاج بياض وين راحت الله أعلم….أتمنى أن الموضوع يجد صدر رحب من الأخوان ويستحملونا المشرفين.
والشكر للجميع.
هاتف البث المباشر 600551212
عبر المسجات sms 3544
اراسكو نفس الكلام
علف الصوص 75 ريال للكيس
صحيح ان أعلاف الدواجن غير متوفر بكثرة في السوق حاليا، أنا افضل انكم اتكلمون المصنع وتاخذون مباشرة من المصنع وانا متأكد انهم ما بقصرون وياكم ….. اللي عنده مزرعة دواجن ومحتاي علف يتواصل وياي على الخاص وان شاء الله بيحصل اللي يباه
