كيف الحال يا اخوان
اخواني عندي واحد من ربعي ماخذ تيس من السعودية و يباكم تقيمونه له
التيس عمره صغير و بعده ما شلع .. عمره 8 شهور على كلام صاحبه
التيس له تعريف بس مابذكره .. نبا التقييم على شكله
هل يصلح لانتاج المزاين ولا ؟
و هذي صورته وهو مقفي
مفهق الأذن عريض
والأذاني مب خرع
المده وسط والرأس وسط
الجنب طيب والجبارة طيب
عرقوبه شين
بشكل عام طيب
في رأيي ما يصلح
اذا تبيه فحل انتاج مندي يصلح
اخي الفاضل اشتر من المنتجين اللي لهم سمعه طيبه
لاتشتري من الشريطي مهما كان التعريف قوي
والفحل لازم تشوف امه قبل مشتراه
ومافيه فحل ينتج نوادر الا اذا جبت معزا طيبه تساعده
واذا التيس طيب وجبت معزا عاديه بتتعب علي ماتوصل
لانك ماخدمة التيس بالمعزاء
|
المشاركة الأصلية كتبت بواسطة العجمي عبدالله
 اذا تبيه فحل لمزاين مايصلح
اذا تبيه فحل انتاج مندي يصلح اخي الفاضل اشتر من المنتجين اللي لهم سمعه طيبه لاتشتري من الشريطي مهما كان التعريف قوي والفحل لازم تشوف امه قبل مشتراه ومافيه فحل ينتج نوادر الا اذا جبت معزا طيبه تساعده |
انا اوافق اخوي عبدالله الراي الفحل يباله معزا تخدمه علشان ينتج في العوارض خاصة ركز على الامهات بنفس تركيزك على الفحل
انا بعد اضم صوتي لاخواني بو زايد وعبدالله واقول انه ما يصلح لك اذا كنت تبي تنتج شي عليه الكلام.
ومهم جدا اخوي انك تشوف ام التيس قبل ما تشتريه حتى لو تشوف فيه مواري خير.
تقبل مروري ورايي المتواضع
