موضوعي اليوم عن تعديل العزبة لمحة على السريع عن الموضوع الرئيسي وطريقة عمل صبيه للطابوق جدام الكرفانة من تجميعي واعدادي وعملي مع بعض المساعدة 
الموضوع ومافيه عندي عزبة من عزب الختم وفيها كرفانة غرفتين وحمام وخيمة وحمام خارجي
وفيه كرفان البلدية الي هو غرفة ومطبخ وحمام مش مستفيد منه لانه مكانه غلط وبعيد عن مكان القعده
والرملة خذت كرين وخليته يشله بعد فصل الوايرات طبعا ونقلته الطرف الثاني وثبته ورتبت له صبيه
وبحط الخيمة عداله حبيت اني اعطيكم فكرة بيكون في جزء ثاني للموضوع وثالث نهائي
أبتديت امس ونقول بسم الله
حجم الكرفان 6 في 3.80 سويت الصبيه 6 في 9 ضعف الحجم
خذنا القياسات طبعا دقيقة هههه
خلطنا الاسمنت والماي على بليوت وكان عندنا خطأ انه خلطناها في نفس المكان مفروض برى عشان
يسهل علينت
صففنا الطابوق على القياس وخلينا بينهم فراغ حق ينصب الاسمنت فيه
حطيناه ورتبنا الاسمنت
حطينا كوار في الوسط حديد خذته من اللحام حجمة مناسب للشوي وللدلال تقريبا ب 200 درهم
خذنا بيبات قدام
وقصصناهم
حطيناهم على الزوايا عشان يركب فيهم أعمدة الاضاءاة
هذا الشكل النهائي لليوم الاول
قلت لهم روح سوي كاناه خبز درام خذو بريك وترقبو الجزء الثاني والثالث
الله يوفقك أخي العزيز
|
المشاركة الأصلية كتبت بواسطة غبيشة
 تسلم يا أخوي والله يعطيك الصحة والعافية ومثل ما قلت استغلال المكان بمافيه وعدم صرف الكثير من الاموال والجود من الموجود وفقك الله أخي الكريم
|
ويعافيج ياربي ….طبعا لووكلت حد بالمهمة بيكون السعر 200% زيادة بعد ماخلص الجزء الثاني ان شاء الله
برويكم قبل وبعد وكيف وفرت اكثر من 50% من المبلغ والشكل النهائي ترقبونا :d اشكر مرورج الكريم
اختي غبيشة
الله يوفقك أخي العزيز