ولي عودة في الموضوع ان شاء الله
تجارة المواشي فيها خير
وبسيطة وماتكلف وايد
لاكن التربية تكلف وايد علف وسبوس وغيره
ملخص كلامي أشتر وبيع بنفس الوقت يعني الحلال اللي بيي نصيبة بيعه لاتخلية عندك مدام مستفيد من البيعه لو 50 درهم بالراس
والسموحة
أخواني تربيه الحلال شغله من ايام الرسول صلي الله عليه وسلم ..وشغله ممتعه
ومن رايي الشخصي لو انت حطيت عدد معين وراعيته واهتميت فيه ووفرت كل الاساليب الصحيه و اساليب التغذيه الصحيحه اكيد ان الحلال بيعطيك انتاج طيب وتقدر تبيع وتستفيد منه ..
ولكن احنا في زمن الماده يعني لو تصرف عالحلال 10000 الاف بيعه الذبايح ما ترجع القيمه ..
واقدم لك التفاصيل .. الاسعار مدعومه من الحكومه ..
السبوس الجيد للحلال ب28
الشعير ب42.5
الجت وزن 750 ب225
الجت وزن 450 ب135
وطبعا هذا اللي مستفيدين من بطاقه الحلال اللي طالعه من بلديه العين .. حاليا ممنوع الصرف للبطاقه نهائيا ..هذيلا لو باعوا بيستفيدون من ارباح الذبايح ..
عندك اصحاب الحلال اللي انا من ضمنهم ما عندهم بطايق ويشترون من السوق
السبوس ب33
الشعير ب45
الجت وزن 750 ب800
الجت وزن 450ب 550
شوف الفرق بين الاسعار طبعا سعر الذبيحه بين 750 لين 1200 على حسب النوع ..
لكن السؤال اللي مفروض نجاوب عليه هل هناك مشترون يقدرون التعب اللي نتعبه في تربيه وانتاج الذبايح …؟
لو حصلت الاجابه راسلني ..
اختكم زين الامارات ..
أذا ماعندك دعم للجت وتحصله بسعر مدعوم انسى الفايده
انا عندي ما يقارب 300 وكلها خساير في خساير
انا ناوي اصفي الحلال كنت اتوقع انها شغله تجاريه بس للاسف الواقع ما يساعد والجت ناخذه 680 و700 والشعير يغني على 45 درهم والسبوس المخلوط 30 درهم والشغله نزف فلوس وبالنهايه ابيع الذبايح على 750 فقط على الخرفان الطيبه بسعر خيالي في السوق الناس يبيعون اكثر بس البيع جمله يقصبونك تجار السوق
وانا ان شاء الله بطلع من هالتجاره لانها ترفع الضغط
كان من المفترض نتحد ونبيع الذبيحه 1000 او 1500 كل شي سعره دبل الا الذبايح طايحه اسعارهاا
اتمنى انك تبعد من تربيه الحلال وتشتري من السوق اللي تحتاجه لبيت او لضيفك
تحياتي لك