انا يا اخوان نويت انشاله اسوي لي عزبة . و حاليا انا مولع بنوع واحد من الاغنام
الي هو النعيمي . فياليت يا اخواني الله لا يهينكم تنصحوني . شو احسن انواع النعيم المتواجدة فالدار و كم متوسط سعر الرخل و كم تقريبا سعر الفحل الطيب . واذا فيه مجال واحد يحط لنا صور .انتظر الرد جزاكم الله خير
انا الصراحه عندي نفس الفكره حاب اربي حلال النعيم واشوف ان حلال طيب من نواحي كثيره … ويبالنا اسوس زياره خاصه لاخونا بو سعيد في ليوا وانا الصراحه ما عرفها ليوا وين وفي حياتي ما سرت هههههههههه …
اذا لك خاطر بسير وياك …
تحياتي
الراقي
بخصوص الفحول تتفاوت والاسعار من 40000 الف وطالع
والصغار من 7000 وانت طالع
طبعا هاذي عندي وعند الناس ممكن اكثر او اقل
وعينك ميزانك
اخوي بحاول افيدك من خلال تجربتي البسيطة مع النعيم
انا بديت بتجميع مجموعة مستواها متوسط و بعضها فوق الوسط
ثم شريت لي فحل طيب يعدل من مستوى الحلال.
بإمكانك تسوي مثل ما أنا سويت أو انك تبدأ من مستوى عالي
بحيث أنك تاخذلك فحل خصم و منتج و تاخذ معاه نعاج ذات مستوى
ممتاز و هذي الطريقة مكلفة لكنها بتوفر عليك الكثير من الوقت.
ونصيحتي لك لاتشتري غالي وانت جاهل بالنعيم لان راح تدفع اسعار لحلال وانت ماتعرف ماهي الصفاة اللتي تستحق هذي الاسعار
اشتر حلال متواضع وبعد فترة من الزمان اشتر غالي اذا تمرست وعرفت وصلت وجلت بالمرحان
لان وضعك الان راح ينطمع فيه وراح تحصل ناس واجد لاذمة ولا ضمير احذر والنصيحة من الدين
اخوك متعب العازمي
|
المشاركة الأصلية كتبت بواسطة متعب العازمي
 الله يستر عليك ان شاء الله
ونصيحتي لك لاتشتري غالي وانت جاهل بالنعيم لان راح تدفع اسعار لحلال وانت ماتعرف ماهي الصفاة اللتي تستحق هذي الاسعار اشتر حلال متواضع وبعد فترة من الزمان اشتر غالي اذا تمرست وعرفت وصلت وجلت بالمرحان |
بيض الله وجهك يا العازمي . انا لي ربع قراب من هل النعيم اخذ منهم علومها بس للحين ما شريت شي . العجلة من ابليس