يالربع بالنسبة للنسف في النعيم هل للمربي دور في تعليم الفحل هذه المهارة
ام ان الفحل يتعلمها بروحة ولا شو السالفة بالضبط؟؟؟؟
|
المشاركة الأصلية كتبت بواسطة حاطب نهار
 السلام عليكم و رحمة الله و بركاته
يالربع بالنسبة للنسف في النعيم هل للمربي دور في تعليم الفحل هذه المهارة |
يتعلمها ابروحه بس لازم اتحط وياه فحل كشاف ايبهدله وايخليه يتحرك عمره من الاربع اشهور الى الثمان شهور المهم انه ما ايلقح
الطلي النعيمي ينفطم يوم يكمل ثلاث شهور عشان ياخذ كفايته من حليب الام و يكبر عظامه.
وبعدين اعزله مع مجموعه من الطليان و لا اتضيق عليه خله في شبك واسع للحركه و يقوي جسمه بالحركه و وازن عليه الطعام يعني لا تخليه يسمن وايد عشان ياخذ طول و جرم لانه اذا كان سمين وايد بياخذ عرض وايد من دون طول ولا يضعف لانه ما بيغدي فحل و بيكون هزيل انته و تقديرك للكميه. و كل سنه يز الصوف مرتين شهر 4 و شهر 7 عشان الحر عشان ياخذ جرم
و يوم ايكمل 6 شهور دخلله على الحلال فالاسبوع مره او مرتين مع فحل كبير شرط انه ينسف عشان يتعلم منه و يوم بيكمل 10 او 11 شهر دخله على الحلال مع فحل ينسف لمده شهر او اثنين للتاكيد.
و يوم بيثني او يمكن قبل على حسب الفحل والجرم خذ منه الانتاج ان شاء الله. و تاكد انه ينسف بنفسك او خل الراعي يراقبه و يتاكد انه ينسف والامور طيبه . لا تنسى اتعالجه من الديدان والطفيليات . رايي الشخصي تعطيه ابره سوبر ايفوموك كل 6 شهور لعلاج الديدان والجرب و الشعر . بعد راي شخصي للحلال كله حطلهم خيله و كبريت الاصفر فالماء اتحصله عند العطارين و لكن هب كل يوم فالاسبوع ثلاث مرات اعتقد انه يسد.
واذا حد من اهل الخبره يزيدنا من علومه و خبرته و يصحح اي شي غلط انا كتبته
باختصار شديد
|
المشاركة الأصلية كتبت بواسطة محمد بالعبد السويدي
يتعلمها ابروحه بس لازم اتحط وياه فحل كشاف ايبهدله وايخليه يتحرك عمره من الاربع اشهور الى الثمان شهور المهم انه ما ايلقح
|
الاخ محمد
جزاك الله خير و أشكر على ردك 
|
المشاركة الأصلية كتبت بواسطة الادغم
الاخ محمد السويدي ما قصر و عطاك العلوم الصحيحه
الطلي النعيمي ينفطم يوم يكمل ثلاث شهور عشان ياخذ كفايته من حليب الام و يكبر عظامه. باختصار شديد |
جزاك الله خير اخي الادغم و ردك كان كافي و وافي لكن ياليت لو تقولي مقدار الخيلة والكبريت الاصفر اللي اضيفهم في الماء. و بارك الله فيك.
هاي طرقتي في تعليم الفحل النعيمي لان النعيمي النسف فيه بالفطره.
و انا عدني اتريا اي حد من اهل الخبره فالنعيم مثل المزروعي والاخوان الاعضاء يفيدونا من خبرتهم
بالنسبه لكميه الخيله والكبريت يعتمد على عدد الحلال ……
عن حلالي احطلهن يوم خيله و يوم كبريت من الصبح الى المغرب لمده عشره ايام من كل شهر الكميه بسيطه و انته ياخويه هب لازم اتسوي مثلي لان يمكن الستمراريه فالخيله والكبريت ايضر بالحلال.
اخوي حاطب النهار بخصوص النسف في الفحول النعيميه …
الاخوان كفوا ووفو بس انا بضيف شي بسيط من خبرتي الطويله في تربية النعيم الفحول لم يمر على فحل ماينسف
وكل الفحول تنسف من نفسها إلى اذا كان في فحل متعلم على النسف باليد لانه شفت فحول عند اهل الكويت متعلمه
يوم يكون هناك نعجه حاني تبا الخروف يمسكونها إله وينسفها …
وبخصوص الجذعان أذا تريده يتعلم هده مع الغنم من سن السته شهور لمدة شهر وتسكر عليه 15يوم وتهده ولحين يشلع ثني
وبعدين تهده مع الغنم …
وبخصوص عملية التناسل هي اكثر الاشهر التناسل في الحلال عندك شهر اربعه وخمسه وسته وسبعه وبعدين شهر عشره واحدي
عشر وفي فترة الشتاء شهر واحد واثنين وهذا حسب خبرتي إلى مريت بها في تربية النعيم خلال العشر سنوات …
ملاحظه…
وعملية التغذيه لها دور كبير في عملية التناسل
تقبلوا تحياتي …
|
المشاركة الأصلية كتبت بواسطة الادغم
اخوي حاطب نهار
هاي طرقتي في تعليم الفحل النعيمي لان النعيمي النسف فيه بالفطره. بالنسبه لكميه الخيله والكبريت يعتمد على عدد الحلال …… |
بيّض الله ويهك أخوي
كفييت و وفيت و بارك الله فيك
|
المشاركة الأصلية كتبت بواسطة عبيد المزروعي
السلام عليكم ورحمه الله وبركاته
اخوي حاطب النهار بخصوص النسف في الفحول النعيميه … الاخوان كفوا ووفو بس انا بضيف شي بسيط من خبرتي الطويله في تربية النعيم الفحول لم يمر على فحل ماينسف وكل الفحول تنسف من نفسها إلى اذا كان في فحل متعلم على النسف باليد لانه شفت فحول عند اهل الكويت متعلمه يوم يكون هناك نعجه حاني تبا الخروف يمسكونها إله وينسفها … وبخصوص الجذعان أذا تريده يتعلم هده مع الغنم من سن السته شهور لمدة شهر وتسكر عليه 15يوم وتهده ولحين يشلع ثني وبعدين تهده مع الغنم … وبخصوص عملية التناسل هي اكثر الاشهر التناسل في الحلال عندك شهر اربعه وخمسه وسته وسبعه وبعدين شهر عشره واحدي عشر وفي فترة الشتاء شهر واحد واثنين وهذا حسب خبرتي إلى مريت بها في تربية النعيم خلال العشر سنوات … ملاحظه… وعملية التغذيه لها دور كبير في عملية التناسل تقبلوا تحياتي … |
الاخ العزيز عبيد حفظك الله
اشكرك على تجاوبك مع رسالتي الخاصة و ابداء رأيك في هذا الموضوع المهم و الذي يهم المربين الجدد للنعيم و غيرهم و اسأل ربي ان يثيبك على جهدك.
كفييت و وفييت و بيض الله ويهك