السلام عليكم ورحمة الله وبركاته
يالربع أنا داخل على تربية المواشي وعندي عزبه بالطيبة وما كنت مهتم والفترة الأخيرة زاد الإهتمام وعندي حول الخمسين رأس بين النعيم والنجد والعمانيات.
والمطلوب يالربع المشورة في تصميم العزبه البارحة أشتريت 1500 طابوقة وجبت الأسمنت والرمل الأسود على أني أبني غرف للغنم ولكن نسيبي وقفني وقال شوف أهل الخبرة كيف بتصمم الغرف.
وكنت ناوي أبني غرف مقابلة شروق الشمس وكل غرفة لها حوش والقياس 6 متر الطول و4 العرض 2 الارتفاع.
المشورة يا أهل الخير، جزاكم الله خير*
مرحبا اخوي " بوكشة "
لازم يكون عند غرفه للأساسيات ( الأمهات )
وغرفه للفحول وضم معاهم العيال من الذبايح
وغرفه للحملات لين مايرشدن
ويفضل اتكون اعمارهن سنه عقب اتهدم على الفحل
وغرفه هوسبيتل بعيد عن الحلال للمرضى
وغرفه احتياط للحلال اليديد ان خذت من السوق او غيره
يفضل الحوش قد ما تقدر اتكون مساحته اكبر
ولاتنسى الأستور وغرفة البيدار
والجماعه بيفيدونك
السموحه على التقصير
لازم يكون عند غرفه للأساسيات ( الأمهات )
وغرفه للفحول وضم معاهم العيال من الذبايح
وغرفه للحملات لين مايرشدن
ويفضل اتكون اعمارهن سنه عقب اتهدم على الفحل
وغرفه هوسبيتل بعيد عن الحلال للمرضى
وغرفه احتياط للحلال اليديد ان خذت من السوق او غيره
يفضل الحوش قد ما تقدر اتكون مساحته اكبر
ولاتنسى الأستور وغرفة البيدار
والجماعه بيفيدونك
السموحه على التقصير
بيض الله وجهك يا ولد مخشب ما قصرت.
انا اتوافق مع اخويه ولد مخشب