معي مشكله كبيره تخص الرومي
الحمد لله معي انتاج من الدجاج الرومي كمية زينه
بس المشكله في التفقيس
الصوص كامل نموه و اخر الايام اكسر البيض احصله ميت في البيضه
و احصل مجموعه من البيض الصوص طالع منقاره منقاره فقط و ميت
و احصل جزاء الاخر بعد افرازات صفراء طالعه من البيضه و الصوص طالع منقاره و ميت
دخيلكم ي الربع ايش المشكله بتحديد؟؟
لاني معي 200 بيضه راح انزلهم بعد اسبوع واخاف احصل نفس المشكله
انا معي فقاسه الادهم 350 بيضه
و الحراره 37.7
و الرطوبه ما اعرفها كل يوم ازيد ماي
ارجو المساعده للي عنده خبره في تفقيس الرومي
ترفع الرطوبة الى فوق 75 بالمية و تخفض الحرارة الى 36.5 مو 37.7 يموت الصوص بهالشكل من الارهاق و الحراره
و ان شاء الله تشوف الفرق و اشتر مقياس رطوبة خارجي اذا الفقاسة مافيها و حتى لو فيها يكون للتحقق مقياس خارجي حرارة و رطوبة حتى تتاكد ان حساس الفقاسة يعطي قراءة سليمه لانه ممكن يتعطل و يعطيك قراءات خطا و يخرب شغلك
و اللي مايقدر يكمل كسر البيضه لازم تساعده في اخر الايام