شباب تذكرون سالفة الدياية الرومية والمحلية اللي كانن يركن على نفس البيض
الحين ابشركم البيض تفقس والصيصان يمشون ورا المحلية بس صوص واحد يمشي ورا
الرومية وهاذي الصور
وذكروا الله يا اخوان
وهاذي الصورة الديايتين يمشن مع بعض
[
وهاذي الصورة بعد من ورا الشبك
وهاذيل الديايتين الباكستانيات بعد نفس السالفه يركن على نفس البيض وان شاء الله يتفقس البيض بعد اسبوعين تقريبا ونوافيكم بالصور
وسمحولي يالربع اذا بعد الصور مب واضحة لاني اركض وراهن لين احصل لي لقطة مناسبة
وشكرااا
دجاجتين يحظنن نفس البيض غلطة منك أخوي
اعزل كل دجاجه بروحها ..
والله يوفقك
سولك تقريبا 3 محاكر المحكر الواحد مقاسه متر ونص في متر و نص و الغرض منه عزل الدجاج الي تبا تنتج منها او الي تجوفها تحط بيضها ويا دياي ثاني و هذا الشي حصل عندي الحضان للرك يوجد منه 9 .. 3 فاضيات و الباقي فيه دياي و تروح تبيض ويا الراكه و هذا يسبب مشاكل من الطرفين يا انها تذبح صيصان الثانيه او تذبح الديايه بكبرها !! و طبعا انت راعي الحلال تعرف حلالك عدل و هذا الحل الوحيد و اذا سويت المحاكر خذ الديايه و خذ 3 او 4 بيضات حطهم في المحكر و بروحها ترك
و اما الروميه مصيرها السجين و عاد ما وصيك اعزمنا خخخخخ اتغشمر وياك اذا تبا ذكر لها موجود ذكور بجميع الالوان و الاعمار و الحجم الكبييير
