هذي طريقتنا في المزرعه للاستفاده من روث الابقار والاغنام والماعز في تسميد الزراعه بالسماد الطبيعي عزكم الله واكرمكم……
يتم تجميع الروث في مكان واحد ويتم رشه بالماء مرتين يوميا ثم مره في اليوم وعلى فترات ثم يكيس ويستعمل لتسميد الزراعه …
وسبحان الله ما تنشم له ريحه بهذه الطريقه ابدا ….
شوفوا الصور ……
سماد البقر من افضل انواع السماد
و كل الاسمده تحتاج لفتره من التعتيق aging او التخمير
لان خلال هالعمليه يتم القضاء على بذور الحشائش و السماد المخمر ما يكون حار على الزراعه
عندي في المزرعه نجمع السماد من تحت الغنم و الدجاج و نخلطه بالمخلفات النباتيه من بقايا الاعلاف
الى السعف و الكرب و الليف و اوراق الشجر
كل شي يتم جرشه بمجرشه خاصه و يخلط و يرش بالماء و يتم تخميره لمده 6 اشهر
غالبا نبدأ في هذا الوقت من السنه حتى يكون السماد جاهز للموسم القادم
و السماد اللي تم تخمره و تحلل و صار جاهز للاستخدام تكون ريحته مقبوله جدا و تشبه ريحه الارض الخصبه
هذا الكميات تتيمع وتصب فوقها ماي .. ولا تيمعها لي فترة معينه بعدين تبدأ تحط ماي
ينخلط معاها بقايا النباتات بعد وتنحط في حفرة .. وينصب ماي لمدة 6 اشهر << صحيح .. بس مب جنه وايد 6 اشهر
|
المشاركة الأصلية كتبت بواسطة أبو عبد الله
 هالموضوع ادوره من فترة .. الحين يتيمع تقريبا يوميا او خلنا نقول اسبوعيا .. كميات قليلة
هذا الكميات تتيمع وتصب فوقها ماي .. ولا تيمعها لي فترة معينه بعدين تبدأ تحط ماي ينخلط معاها بقايا النباتات بعد وتنحط في حفرة .. وينصب ماي لمدة 6 اشهر << صحيح .. بس مب جنه وايد 6 اشهر |
الافضل انك تصبر الى ان تتجمع عندك كميه مناسبه و بعدين ترشها بما و ترتبها على شكل طبقات
طبقه سماد و طبقه من مخلفات المزرعه و تصبر عليها لين تتحلل
6 شهور مجرد تقدير لانه ظروف تحلل السماد هي اللي تحكم
لازم تتوفر الرطوبه و الحراره و التهويه المناسبه و كل ما توفرت الظروف المناسبه كل ما جهز السماد اسرع و كل ما قلت او انعدمت الظروف تستغرق عمليه التحلل وقت اطول
اذا بتقلبه و تبله ماي مره كل شهر او مره كل 20 يوم بيجهز قبل 6 شهور
يمكن خلال 3 او 4 اشهر
و على فكره اضافة الماي تكون رش خفيف بدون ما تغرق السماد
لانه البكتيريا اللي تحلل السماد تحتاج الى الهواء و في حاله زياده الماء ما بتتحلل المركبات النباتيه و ريحه السماد بتكون قويه و مركزه مثل ريحه المجاري و انت بكرامه