استفسار بخصوص علف الدجاج وتكلفته

عن نفسي استخدم علف البلدية المدعوم ارخص ولك الاختيار حسب ما تبا بياض ولا لاحم وتقبل مروري البسيط

كم سعر اليونيه وكم كيلو؟؟؟

واشكر مرورك وافادتك اخوي بارك الله فيك

سعر جونية
علف المطاحن الكبرى بياض 95 درهم

و علف الخليج دبي بياض 105 دراهم

و الجونية 50 كيلو

و عن نفسي أفضل المطاحن الكبرى

و إذا عطيتهن خلطات يكون أحسن
و يكون فيها شعير و علف و باجره و أنواع الذره و العدس

بس المشكله إن مرات الدياي يكون متعود على شي واحد
و إذا غيرت ما ياكلنه و يتم الشعير مكانه

ملك الكوشن بس عندي سؤال يونية المطاحن الكبرى ال50 كيلو تأكل كم ديايه منه ومتى تخلص اليونية الوحده؟

تقريبا انا عندي 100 ديايه وكل 3 أيام يخلصون يونية 20 كيلو علف بياض

واليونية سعرها ب 33.5 يعني تقسيم 3 ايام يساوي 11.17 اكلهم في اليوم الواحد

وقسمت اكلهم على عددهم طلع لي ان الديايه الوحده تاكل 0.11 يعني في الشهر تاكل 3.4 دراهم

الغرض من هالحسبه والسؤال بغيت اعرف هل انا ابذر بأكل الدياي او لا لان احس انهم ياكلون وايد عندي
ولاني سمعت من دكتور بيطري ان لو كثرت للدياي أكل بتقل نسبة البيض لان زيادة العلف في الجسم تكون الدهون الي تقلل كمية البيض

واللي عنده خبره ب هالموضوع او تعقيب يتفضل

وشاكر لك مداخلتك ملك الكوشن
الكوشن ما شاء الله اكيله رقم 1

إن شاء الله أهل الخبره ما بيقصرون وياك

اخوي صرف الاكل يعتمد على حجم الطيور و كثرة الحركه تزيد من صرف الاكل و شرب الماي بعد ياثر (لكن كله بنسبه قليله جدا)

انا عن نفسي افضل علف ابوظبي صح انه شوي غالي و مب دايما متوفر لكن انا اجوفه الانسب و الاحسن بالنسبه لي يعني مجرد وجهة نظر

للانتاج العلف البياض
و للفروخ العلف اللاحم

و افضل النوع اللي يكون ناعم لأن في انواع يكونون اقزام و حجمهم صغير نفس السيراما و الكوشامو…. يصعب عليهم علف الكبسسولات

طبعا بجانب العلف تقدر تعطيهم وجبات خاصه مثل الخضره و العيش المفور…… (مب اجباري لكن اذا تبا حلال مميز لازم تتعب عليه)

و ان شاء الله الاخوان بيفيدونك اكثر