اخواني معي استفسار وعسى احصل الافاده منكم
معي عنز مشتريها قبل سنه ونص تقريبا وكانت بعمر 9 شهور وطول هالفتره ما عشرت مع ان الفحل دايم عليها اكثر من مره وهو يهدها وهي دايم تروح له عشان يهدها حتى لو قطعناه عنها تجلس سياره ما ترووح عنه ..
بس من فتره اشوفه انقطع عنها حتى قررت اني اذبحها لانها عاقر.. المهم اليوم خليت العامل يشيك ضرعها ولقيناه ضرعها شوي نازل بشكل بسيط ولما حلبها نزل سائل شفاف يميل للابيض .. فما اعرف هل هذا دليل على انها عشاار او لا ..
ارجوا الافاده اخوااني
العنز عشار وهذا دليل السائل الأبيض ويكون صمغي أذا خليته فترة في أيدك فلا تتسرع وتذبحها وتندم ..
بس احتمال تكون ف اي شهر دام هالسائل الشفاف في ضرعها ؟؟
|
المشاركة الأصلية كتبت بواسطة الكيان
 اشكرك اخوي ما قصرت ..
بس احتمال تكون ف اي شهر دام هالسائل الشفاف في ضرعها ؟؟ |
السلام عليك
العنز معشره …واعتقد انها في الشهر الرابع
لكم مني جزيل الشكر
اللي بيفيدك اكثر الفحص التلفزوني
والعاقر تبين من بطنها اذا فيه نفخه يمين واذا كانت تروغ الهوش الثانيه
اغــلب الحلال الصلالي يتأخر مابين ولاده والثانيه
وفي النهاية تنتظرها وهي ما عشار
في مثل هذي الحالات يجب فحصها تلفزيوني
بعضهن الي عاقر تحصلها تروغ الشياه الأخرى لكن بعض الشياه الحامل ب تيس تروغ الحلال وبعضهن يروغن الحلال لان يبغن فحل
أذا دخلت الشهر الخامس أفحصها بأيدك حرك يدك ع بطنها وتهجسه..