يا أخوان انا ودى الحلال الي عندى يسرح ولو أن الرمله والسيوح ما فيها لاشعره ولا بعره
لكن تعرفون المشي زين للحلال
لكن المشكله نسمع الناس تقول ممنوع من البلديه أن الغنم تسرح اما البل عادى هذا شي نعرفه كل العالم تسرح
بوشها لكن الهوش ما قد شفت بعين طبعن اقصد أمارة أبوظبي وضواحيها
انا رحت للبلديه وتخبرتهم (قلتلهم انتو مانعين الحلال يسرح) يعني يرعا خارج العزبه
ردو على قالو والله ما ندري ولا عندنا علم
قلتلهم طيب وين اروح قالو روح وزارة الزراعه العماره الي قربنا قلت خير
المهم رحت وتخبرت وطلع الكلام نفسه ما ندرى ولا عندنا علم
طيب وش الحل منو الي مانع
أخاف واحد كذب كذبه وصدقو الناس خخخ
ابغ استفسر منكم أذا حد عنده علم الله يجزاكم خير
وان شاء الله الأخوان بيفيدونك أكثر …….
|
المشاركة الأصلية كتبت بواسطة net3040
 أعتقد والله العالم انه ممنوع لأنه من زمان سمعت احد الأخوان إنه البلدية( أبوظبي والعين ) ادفعك على كل راس 1000 غرامه تسريح الحلال ولكن بتأكد من الخبر الاسبو ع الجاي من الشخص نفسه ووين كان مسرحنهن بالضبط .
وان شاء الله الأخوان بيفيدونك أكثر ……. |
أشكرك على تفاعلك في الموضوع ياذيب
قبل كم سنه كانت مخالفات الناقه على 50 وعقب ارتفعت وصارت 100
هذا الى انا أذكره
سبب المخالف الناس قبل كانو يهدون الحلال ولا يسأل عنه ميدرى هو في الرمله ولا بين الشعبيات
وتكرمون عند الكشرات
لهذا السبب كانو يحجزون الحلال
ننتظر منك الرد الشافي ياذيب
خذ كلامي كلام ثقه
سرح الحيوانات بالسيوح أعتقد إنه شي عادي , ومثل ماذكرت الكل يسرح البوش , لكن الهوش لا
ومثل ماقالوا الأخوان إنت أسرح الحلال لكن بشرط يكون الراعي معاهم ولا تقرب من الشوارع ولا من المناطق السكنية
لان البلدية تقبض الحلال القريب من الشوارع والشعبيات
أما بخصوص الحلال بالبر عمرها البلدية ماحجزت ولا راس
والله يوفجك
|
المشاركة الأصلية كتبت بواسطة سيف بن حداد المنصوري
توكل على الله وسرح حلالك سواءا البوش ولا الهوش بس بشرط يكون معاهن الراعي ولا تسمع أي كلام ثاني
خذ كلامي كلام ثقه |
اشكرك يابن حداد
على التفاعل مع الموضوع
انا راح اجرب كم راس راح اسرحهن وبنتوكل على الله
والله يستر
|
المشاركة الأصلية كتبت بواسطة م.هاوي
الكربي
سرح الحيوانات بالسيوح أعتقد إنه شي عادي , ومثل ماذكرت الكل يسرح البوش , لكن الهوش لا ومثل ماقالوا الأخوان إنت أسرح الحلال لكن بشرط يكون الراعي معاهم ولا تقرب من الشوارع ولا من المناطق السكنية لان البلدية تقبض الحلال القريب من الشوارع والشعبيات أما بخصوص الحلال بالبر عمرها البلدية ماحجزت ولا راس والله يوفجك |
ام هاوى اشكرك على المشاركه
بتوكل على الله وبسرح كم راس ونشوف من الى راح يعترض
اكيد يام هاوى ما راح نقرب حول الشعبيات السيوح ياكثرها عندنا والراعى بيكون عندهن
بنعقلها وبنتوكل والله الحافظ