ولذلك اجتهدت ودورت في مواقع كثيرة بس للأسف ما حصلت إلا شيء بسيط
واستعنت بصديق يعرف إنجليزي ودخلنا مواقع أجنبية وحصلت الآتي
الساكيز التركي والقبرصي والكيوس كلها نوع واحد ومنها المحسن بالتهجين والإنتخاب خاصة عند القبرصيين
إنتاجه من 3-6 من التوائم
وأحجامها طيبة
وأوانها الأبيض مع بقع سوداء حول العينين والأذنين والأطراف والمشرب
وموجودات فالإمارات وهذي صورهن
أما الرومانوف فهي الروسية وكانت أغنام العائلة المالكة قبل الشيوعية توائمها من 2-5
وهذي صورهن
أما المارينو فهو الإسترالي وموجود ف سوق البوادي فالعين
وميزته الخصوبة العالية ويتاومن من 1-6
ومنه أنواع كثيرة بس أحسنها الإسترالي
ويستخدم غالبا لصوفه
وهذي صوره
والفنلندي فهو يتاومن من 2-5
وهذي صوره
وكمعلومة
أغلب السلالات فيها من1-2 بويضة لكن الفنلندي والرومانوف فيها من 2-5 بويضة فلذا خصوبتها عالية وتستخدم الدول الفلندي لتحسين سلالاتها المحلية
أما العساف فهو نتيجة تهجين العواس (النعيم) مع الفريزيان الشرقية الحلوب
وهذي صورهن
هذي صورة الأم والأب كلكم تعرفونه السيد النعيمي أو العواس
أما الدمان فهي ضأن مغربية تلد من 1-7 لكن ممنوع تطلع برع المغرب وحد من الإخوان فالسعودية إستطاع يجيبهم بس للأسف ما يابن إلا على 4 وهذي صورهن
وبصراحة بكذا أكون أنجزت إنجازا عظيما وأستحق جائزة وشهادة تقدير
ولا تنسونا من صالح دعائكم
وأسأل الله لي ولكم التوفيق والنجاح والسعادة والرضا
تستاهل أكبر شهاده وأحلى جايزه على هالتقرير الحلو
ويعطيك العافية , على هالمعلومات الرائعه
بس لو تلاحظ كل اللي ذكرته هو خرفان أما المعز للأسف ماينتج هالكثر
على فكره
عندنا يعد الدار ( خراف ) توصل إنتاجيتها ل 4 توائم بس
يعني حلال الدار بعد يندرج تحت هالأنواع
شاكر لك ياخوي مره ثانيه على هالتقرير الحلو
ماقصرت على الموضوع المفيد
تقبل اجمل واحلى تحيه
اخوك ميحد
شكراً على المعلومات الجميله..
لاهنت
الله يباركلك في حلالك
وأخوي م.هاوي ما سمعت من قبل أن يعد الدار يتاومن 4 في بطن واحد
وياليت لو تفيدني بشيء من صورهم إذا عندك عالخاص
بصراحة أنا مهتم بمثل النوعيات ذي اللي فيها الإنتاج العالي من التوائم
أنتظر ردك لا هنت
وتقبلوا فائق الإحترام من أخوكم الصغير سالم