اخواني بالنسبة للجت اليابس الربطة الامريكيه الى قيمتها 115 وتكون على شكل مستطيل وتقريبا طولها على اجسامنا نحنا البشر ……….
هل صحيح موجود منها بنادل ؟؟؟
اذا صحيح هالكلام وين اقرب مكان لى اقدر اشتريه بحكم اني انا من راك هل دبي او بوظبي او ما اعرف اذا فيه اماكن ثانيه اقرب ؟؟
ياريت اخواني اصحاب التجربة يفيدوني باسعار البنادل الربطه الوحده الكبيره كم ؟؟
وهل هي نفس الامريكيه بالضبط او من بلد ثاني ؟؟
450 كيلو ب 400 درهم
والاخوان بيفيدونك اكثر
هل اتي بس نوع واحد الى ذكره اخونا الى هو مال البلديه ؟؟؟ ولا فيه انواع مثل الامريكي والعماني والسوداني ؟؟
والكبيرة من 120 الي140
هذا شركات تبيعة موب البلدية
على حد علمي الي متوفر الحين بس المحلي والله اعلم
بخصوص الجت مال البلدية بوطربال وزنة 450 كيلو وسعرق للي عندهم دعم ب140 وينباع في السوق السودة ع قولهم ب 350
والاخوان بيوظحولك اكثر
تحياتي
بس للحين انا مو مستوعب شي ؟؟؟
ابا توضيح اكثر
هل البنادل الكبار موجوده انواع ؟؟؟ او نوع واحد ؟؟
وان شاء الله وانا راد من المطار اليوم واول ما اوصل لبلاد بصور هالسياره الى انا اقصدها
|
المشاركة الأصلية كتبت بواسطة خيماوي_69
 :مشكور اخوي افسحنا على المداخله
بس للحين انا مو مستوعب شي ؟؟؟ ابا توضيح اكثر هل البنادل الكبار موجوده انواع ؟؟؟ او نوع واحد ؟؟ وان شاء الله وانا راد من المطار اليوم واول ما اوصل لبلاد بصور هالسياره الى انا اقصدها |
نعــــــــم اخوي الجت الي في البلديه انواع..
1- جت 750 كيلو امريكي / 225 درهم
2- جت ابو طربال 450 كيلو اظن انه امريكي / 135 درهم
3- جت 400 كيلو جت مصري وهو افضل انواع الجت فالبلديه / 135 درهم
4- فسكو 750 كيلو ( مخلوط حشيش وجت) / 225 درهم
5 – بريدة الرودس الدائريه ( 130 /160)كيلو … / 54 درهم
ها الي يوصلنـــــي من البلديه ولازم يكون عندك بطاقة الاحصاء الحيواني او عقد ايجار عزبه رسميه للحصول على هذه الاعلاف…
و الاخوان ما بيقصروون بعد,,
اذا حد عندة خلفية عن اسعار هالسلع تحديدا يزودنا
مع مكان البيع اذا امكن
تحياتي
و اذا تبى بو طربال في في محل يكون ع ايدك اليمين قبل ما توصل سوق الدقداقه بتشوف سياير حشيش واقفه عنده موجود عنده و اذا مخلص ايبلك من العين ما عنده مشكله محل اعلاف اربع بيبان اذا مو اكبر يشتغل فيه افغاني او باكستاني
بس اذا كنت تقصد رول فتراني اول مره اسمع عنه موجد جت ع هذي الطريقه
اذا فيه علمنا مكانه او حط صوره يمكن يكون افضل
لاحضو انهم ثنتين فوق بعض وليسه وحده كامله
وسؤال اوجه للأخوي راعي وضحي
اخوي في الخيارات الى انت كتبتها فوق …بالنسبه للخيار الاول الجت الامريكي 750 كيلو ب 225
هالكلام للي عنده بطاقه بس او السعر للكل ؟؟؟
واذا انا ما عندي بطاقه بيعطوني بالسعر العادي او لازم بطاقه ؟؟
وسؤالي للمزروعي هل عندنا في راك كميه نفس الصورة لكن جت امريكي ؟؟
لاني بصراحه احس انها
وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااايد
اوفر وخصوصا الجت الامريكي الحلال ياكله بطريقه شهيه وكانها وجبه دسمه ويوم اقعد انتفها بصراحه كلها اوراق خضراء وحشائش فعلا فعلا لو تعطيهم هذا بس في حالات الازمات الماليه وااااايد اوفر واضمن من مشاكل البطن للحلال لانه الجت اليابس ماعيه سلبيات
ياريت من اي من الاخوان اذا يعرف مكان ينباع فيه الجت الامريكي ولكن بالحجم الى بالصورة يزودنا بالسعر والمكان
لاني افكر بدال الوجبتين الى تتكون من العلف والسبوس والمخلوط وغيره …بدال ما تكون وجبتين اخليها وجبه وحده واكثر له من الحشيش واوفر شوي من العلف
الان العاده الموجوده فالسوق هي الى تكون على شكل مستطيل وطولها نفس اطوالنا نحنا البشر تقريبا
فاذا عندك خبر انا تنباع باكبر من الحجم الى قلت لكم عنه يا ريت ياريت تخبروني سواء في راك او برع
لاني بييبه مها كان مكانه