اخواني واخواتي ابغي المشورة الموضوع شاغل بالي وتفكيري كل تفكيري دياي اغمض عيني اشوف دياي يمشون 
عندي هذة الانواع من الدياي
بلدي
امريكي (مب الابيض)
فرنسي
وكيرلي 2
وكوشن 6
اربيهم في البيت بس امر الطرد بيطبق اول شهر 5 للدياي ..لازم اطلعهم من البيت ومزرعتنا بعيدة علي ..
اول خطوة :
طرشت البلدي للمزرعة
ثاني خطوة :
حصلت مكان قريب من البيت عزبة مشتركة بحط الدياي فيها
المشاكل والصعوبات :
1) ما اقدر اسير كل يوم ولو سرت بسير مره بس
2) العزبة ما فيها ماي ولاكهرباء
3) الدياي ما ياكلون العلف بدون خلط بالماي
4) ما اقدر احط عامل
5) ما اقدر احط جنريتر للكهرباء
6) للحين ما طلعت ولافلس من ورى الدياي اصرف عليهم من مصروفي الشخصي (اخاف افلس
)
المكان الي بحط فيه الدياي عبارة عن مظلة كبيرة ..وجدار خلفي من الطابوق بيوفر علي
شو تنصحوني :
بحط طابوق تحت عشان الثعالب ما تحفر وتدخل
بشو اسكر المكان المنيوم ..بيطلع غالي لانه ارتفاع المظلة كبير
شبك اخاف من الحرامية المكان فاضي وبالليل ظلام
موضوع الماي بحط خزانات وبشيل ماي من البيت ..بجرب موضوع السقايات الاوتوماتيك بس بلف في المنتدى بشوف موضوعها كيف
مشكلة الكهرباء كيف بحط فقاسة فيها ..كيف بحط صيصان لازم يبون لمبات
ممكن اتعاون ويا عامل العزبة المجاورة انا واللي حاطة وياها ديايي بس يحط اكل للدياي طبعا هي ما تعطيه راتب كامل لانه ما يسوي كل شغلها فبنقسم المبلغ بينا على حسب شغله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
شو رايكم ابيع الدياي والاقفاص واريح راسي من الصدعة
|
المشاركة الأصلية كتبت بواسطة ملك الأبيض
 إختي قلادة ذهب بيعي الدياي والأقفاص أريحلج
|
تسلم اخوي على المرور وابداء رايك
المشكلة هذة تسليتي الوحيدة ..وابي مصدر دخل دام البطالة حالفة ما تودرنا
المشاكل والصعوبات :
1) ما اقدر اسير كل يوم ولو سرت بسير مره بس
هذا معناته انه تسليتج الوحيده مابتكون مسليه مثل قبل لانج بتسيرين مره في اليوم بس واذا في حد غيرج بيتابع حلالج مابيتابعه مثل ما كنتي انتي اتابعينه بيهن المرض ولا بيسال ولا بيهتم وبتشوفين كل يوم شي ميت
2) العزبة ما فيها ماي ولاكهرباء
ترتيب الماي صعب يبالج رق يمكن يكلف 1200 كم بتيبين ماي من البيت زائد الكهربا الي هي الجنيريتار يبيله فلوس ومبلغ
وبعدين لاتنسين الحراميه والثعالب بيتعاونون عليج … بتقولين ياليتني بعتهم … وبصراحه ماتدرين هذا العامل يمكن روحه يبيعهم ويقولج ماتو … مامنهم امان … انا عطيتج راي وانتي في النهايه سوي الي يريحج
|
المشاركة الأصلية كتبت بواسطة xxx rooster xxx
شوفي يا انج تطرشين الكل المزرعه او تبيعين الحلال والقفاصه وهذا للاسباب التاليه
المشاكل والصعوبات : 1) ما اقدر اسير كل يوم ولو سرت بسير مره بس هذا معناته انه تسليتج الوحيده مابتكون مسليه مثل قبل لانج بتسيرين مره في اليوم بس واذا في حد غيرج بيتابع حلالج مابيتابعه مثل ما كنتي انتي اتابعينه بيهن المرض ولا بيسال ولا بيهتم وبتشوفين كل يوم شي ميت 2) العزبة ما فيها ماي ولاكهرباء ترتيب الماي صعب يبالج رق يمكن يكلف 1200 كم بتيبين ماي من البيت زائد الكهربا الي هي الجنيريتار يبيله فلوس ومبلغ وبعدين لاتنسين الحراميه والثعالب بيتعاونون عليج … بتقولين ياليتني بعتهم … وبصراحه ماتدرين هذا العامل يمكن روحه يبيعهم ويقولج ماتو … مامنهم امان … انا عطيتج راي وانتي في النهايه سوي الي يريحج |
تسلم اخوي على المشاركة والنصيحة
بخذ نصايحكم بعين الاعتبار …
العزبة فيها طوي بس الماي ما ينفع يعني بيفيد بس في تغسيل المعالف والسقايات ــــــــــــــــــــــــــــــــــــــــــــــــــ ـــــــــــــــــــ
احباط والله ..في البيت الكل حكم على مشروعي بالفشل من البداية ..وخسرت وايد واذا بعت الحين بكون خسرانة ..البيئة المحيطة فيني ما يعترفون بالدياي الفرنسي غالي ..يبون دياي عمره 10 شهور ابيعه لهم بـــ 20
ــــــــــــــــــــــــــــــــــــــــــــــــــ ــــــــــــــــــــ
الموضوع التخلي عن فكرة المشروع واردة ..بس انا انسانة احب اجازف واغامر واتحدى
يعني عقب كم سنة يا بتشوفوني من اصحاب مزارع الدواجن
وإلا هذا مشروعي القادم لاتنسوني عاد (الله يخلي لكم عيالكم )
اصحاب الدواجن ..التربية التجارية وينكم ؟؟؟؟
هل موضوع تجارة الدواجن منها فايدة او لا في ربح يسوي ؟؟؟؟
اذا مجدي المشروع شوي شوي بحل العقبات
الله يرزقك و يرزق الجميع من واسع فضله
اذا تريدين التسليه ربي عدد بسيط من الدجاج
بالنسبه للمردود المادي ربي دجاج زينه في محاكر في البيت
المحاكر بتمنع الدجاج من انه يوصخ البيت و دياي الزينه عليه اقبال و سعره غير الانواع الثانيه
|
المشاركة الأصلية كتبت بواسطة المهندس
اختي قلادة الذهب
الله يرزقك و يرزق الجميع من واسع فضله اذا تريدين التسليه ربي عدد بسيط من الدجاج بالنسبه للمردود المادي ربي دجاج زينه في محاكر في البيت المحاكر بتمنع الدجاج من انه يوصخ البيت و دياي الزينه عليه اقبال و سعره غير الانواع الثانيه |
تسلم اخوي على المشاركة وعلى الدعوة الطيبة
ابي التسلية وابي المردود المالي ..دام الشهادة ما شغلتنا 
انا ابي اربي دياي اللحم ..والزينة حاليا عندي كوشن 6 اناث لاغير وكيرلي
بس بعض الانواع تحتاج رعاية وجو معتدل في عز الصيف
بس ما اقدر اربي في البيت ما يبوووووووووووووووووووووووون نهائيا
واذا لا بد منه عليج بدياي الزينه
وسوي حجرة في حوش البيت مكيفه وفيها تهويه وتكون تحت اشرافج وربي فيها بس دياي الزينه
|
المشاركة الأصلية كتبت بواسطة alshamsi
انا انصحج فكي عمرج من الدياي ما فيه فايدة صدقيني اذا تفكرين تردين من وراه فايدة
واذا لا بد منه عليج بدياي الزينه وسوي حجرة في حوش البيت مكيفه وفيها تهويه وتكون تحت اشرافج وربي فيها بس دياي الزينه |
مشكور اخوي على وقتك الثمين والنصيحة
بديت فعلا ابيع عيال الدياي بسعر 10 دراهم عشان افتك منهم خلصت كل الكمية تقريبا الحمدلله
والفرنسي والامريكي الامهات بعدهم اذا ما حصلت حد يشتريهم بكمل المشوار (والله يستر )
والاقفاص بعد بحاول ابيعهم وانا وحظي اذا ما بعتهم بكمل المشوار ..مبدئيا اطلعهم من البيت
دياي الزينة صعب في البيت