إنتاجي من البنجابي

السلام عليكم ورحمة الله وبركاته

وتستمر عروض عزبة م.هاوي

( إستراحة العصر )
طالت عماركم , اليوم كانوو عندي البيطريين لترقييم الحلال , وصادف إن البنجابية في حالة ولاده , ولكنها مستعسره ,
بعد ما إنتهوو الدكاتره من ترقيم نصف الحلال , قالوا بنتدخل في توليدها , وصراحة أول مره أشوف عملية سحب أجنه , كان راس صخل ظاهر بس من غير قوائم , فنيموو العنز على جنب , وعقب دخل الدكتور يده , على أساس يدور إيدين الصخل إلا هو يظهر الراس الثاني , لكنه دفع الثاني لداخل وسحب الأول بسرعه , لكنه للأسف كان مايتنفس , فنفخ فيه ومسكه من ريوله وظربه , وفجأه عطس الصخل , وعمل نفس الشي من الثاني , والحمدالله ماخسرتهم

فحبيت أشارككم هالإنتاج

تيس وصخله ( التيس الأسود والصخله البيضه )

مع الأم

وماشاءالله تبارك الرحمن

تقبلوا مروري م.هاوي