ييتلكم اليوم من يديد في أول تجربه لي في تربية الأرانب ..
وطبعا كلهم أرنبين يعني لحد يضحك علي
وكان الأرنب الأول هديه من ربيعتي لأني ما أحب أربي الحيوانات أخاف يموتوا عندي وآخذ ذنبهم ..
وفوق هاه يعورون قلبي لو ماتوا !
أخوي [ المزيون+أخوي سيد الأرانب ] فأحب أقولهم مشكورين والله يعطيكم العافيه
وهاييلا إللي ظلوا إثنين ذكر وأنثى .. ففكرت اسولهم قفص لين إهتديت لهالتصميم البسيط ..
وترا سويته عالسريع عشان ما يشردوا الارانب ..
ولقيت مشربيه أخوي كان يستخدمه للحمام ماله فحطيتها لهم ..
لكن هم هاه أعتبره سلبي وإيجابي بنفس الوقت لأنه قفص داخل قفص!
صـور لتجهيز القفص + المشربيه
بخير يسرج حالنا
وافا علييييييييج وهذا واجب كل واحد ف المنتدي
بس ولا علييييييج امر ياليت لو تراجعي الصور مره ثانيه
لانهن ما طلعن عندي
بس عندي استفسار
كيف يطلعون لفوق الحضانه ؟؟
و وين حاطتنهم ؟ هل في مكان مفتوح ؟ او في مكان في تييكيف ؟؟
رديت حملتهن من مركز تحميل غيره والصور ظهرن
|
المشاركة الأصلية كتبت بواسطة abuoumar
 الصوره طلعت عندي
بس عندي استفسار كيف يطلعون لفوق الحضانه ؟؟ و وين حاطتنهم ؟ هل في مكان مفتوح ؟ او في مكان في تييكيف ؟؟ |
أنا ما سويتلهم مكان للحضانه .. هاي أول تجربه لي ومسويتلهم بيت يقعدون فيه ..
وحاطه القفص تحت عريشه مظلله بالكامل مخصصه للدياي والحمام .. ماشي مكيفات
ومرات أطلعهن يتمشن وعقب أردهن للقفص ..
وأنا فارشته لهم من داخل بالرمل الناعم و واايد مرتاحين فيه من يبون يرقدون
وإلا إيي الليل يدشون داخل علطول
أتمنى إني أكون قدرت أفيدك
بعديهم عن الدياي و الحمام
وبصراحه فكره جميله وطلعتي مب هينه ياولايف ولا بعد تقولي اول تجربه وجيييييييه وين عيل لو عندج خبره وما شاء الله علييييييج
بس هو اهم شي انج تطلعينهن بر شويه يتمشن وبيرجعن
وانا من نفس راي اخويه بو عمر ابعدييييهم قد ما تروومي عن الطيووووور
وانا نفس الحركه مسونها عندي ف العزبه والحمدلله الانتاج عندي 60 ارنب ولكن تحتهن مسوي باسمنت مشان ما يحفرن ولكن وقت الحراره
ياليت لو يكون اشجار موجوده مشان تسقيها ظهر وبتشوفيهن بيقعدا فوق الماي وان شاء الله بيعدي الصيف من دوووووون اضرار
وياليت لو تخفي عليييييهن من الخضروات ويكون الاكل رئيسي جت يابس وشعير وحشيش يابس وبين فتره وثانيه يكون فيه خضراوات وبتوفيق
والله يوفقج يااختي الكريمه
واذا انتي مخليه قفص مؤقت الين اتجهزين مكان اكبر فلا باااس،وياليت دوم اتغيرين الرمل اللي في قفص عشان مااا تمرض اراانبج لان فضلات الاررانب مااتتسرب والخشب يمنع تسرب فضلات الارانب
وهم موب مع الدياي بنفس القفص .. هم بقفص بروحهم ..
وشاكره نصيحتك أخوي وفالك طيب
يعطيج العافيه ..