أول مشاركه لي بالمنتدى وأحببت أن أناقش بعض الأخوان الذين لايرحمون باقي أخوانهم المبتدئين
اتمنى من الجميع المشاركه في هذى الموضوع و الذي نوجهه لأصحاب وهواة الأغنام النجديه . و التي نسعى من خلالها لمساواتنا مع إخواننا في دولة الامارات والسعوديه و الخليج بشكل عام مما نلاحظ أسعار خياليه لحد الجنون فلماذا هذه الأسعار ولماذا هذه التعقيدات للمبتدئين في هذه الهوايه كثير وبعض المنتجين همهم الأول والأخير هو وضع المصيده للأشخاص الجدد فلماذا لا نقف أمام هاؤولاء المنتجين ليخفظو من سعر النجديه ..
ولله الحمد والمنه يوجد حلال في دولة الامارات العربيه المتحده ويجب أن يكون همنا الأول والأخير دخول الأخوان المبتدئين في هذه الهواية وبعدم رفع الأسعار عليهم مما سينعكس أيجابيا على هذه الهواية الطيبة
نصيحه للأخوان المبتدئين أن يمرو على جميع المنتجين في دولة الأمارات وأخذ النصيحه والمشوره وعدم الأنصات لشرح المواصفات من شخص أو شخصين أو ثلاثه لكي تعم الفائده للجميع ولكي لايقع هاؤولاء الأشخاص المبتدئين في هذه المصيده وهي الأسعار المبالغ فيها
والله من وراء القصد وجزيتم خيرا
اتمنى من الجميع المشاركه
جزاك الله خير
وماقصرت على الموضوع الطيب وجزاك الله الف خير
تقبل مروري
يا خوي اسعار خيالية عشرات اللاف بل مئات احياناً يعني الواحد لو فكر يسويله مراح نجدية يبغيله من 3 الى 5 ملايين درهم حتى يسويله مراح طيب وبعدين ياخوي لو تتابع البيع والمشترا في النجدية في الأمارات تلاقية يدور بين 6 او 7 قول 10 مربين ياخوي عليهم بألف عافية وبعدين يخوي يا بو خالد كل شي طار سعرة يعني وقفت على النجدية على فكرة موضوعك هذا شيق ويبيلة جلسة طويله وشكلي تأخرت وباكر دوام …. تصبح على خير
لكن ترى المواصفات و السلالة هي اللي ترفع السعر و تنزله
و بدونهما بتلقى أسعار مناسبة.
أما اذا كنت هاوي صنف فما اقول غير الله يعينك
يالربع أنا بكل صراحـــــــه لن أجامل وبقول الحق
مثل ما قال الأخ (( حلال أبوي ))
اللي عنده فحول غاليه ومعرفــــه كيف بيبيع برخص ؟؟؟!!!
خلوكم منطقييـــــــــن شوي
وليش بعدين نتكلم عن النجديـــــــــــه؟؟
ليش الشامي رخيص؟؟
ولا العارضي رخيـــــص؟؟
ولا النعيمي رخيــــص ؟؟
ولا ولالا …….
يوم إنكم تروحون المسلخ بتآخذون ذبيــــحه ب 800 ولو إنك شاطر 700 درهم وسعرها قبل سنه ( 400 ) درهم أتكلم عن الجزيري ليش ما تحاربون هذيلا اللي ما يرحمون الناس…..
يا إخوان كل شي في هالزمن إرتفع سعره وكل شي بسعره
والحـــــالي غالـــــــــي
أتمنى ما ثقلت عليكم بردي هذ بس (( هذا هو المنطق ))
تحياتي بو اليازيــــــه