مساكم / صباحكم عسل
كيف الحال أخواني ؟
بغيتكم تساعدوني في شراء مكينة حلاقة كهربائة للحلال …
عندي عدد كبير من الحلال … فأحتاج نوعية ممتازة مضمونة …
ودمتم بود ^^
لو تبه شوري اذا انت مشارك في المزادات اشتر المكينه الي بالاف وشي عند الفلاح الي في الصاروج او بوادي حلقت فيها المعز والخرفان بس كم مره خربوها العمال يحرقولي البكره او القير الي داخل من الحرارة وانا يوني شارنها متيمل فيهم علشان يرتاحون في الحلاقه بس هم مايستاهلون وقمت شليتها عنهم وشريتلهم مقصات وفتكيت حشه صيحتك شكلي
أنا لقيت نوعية ممتازة في بريطانيا بدون الشحن قيمتها 1114 درهم وتي مع عده كاملة من زيت للحراة وشفرات خاصة للأغنام وشفرات خاصة بالخرفان وضمان سنة ..
بس قلت بشوف في البلاد أحسن عشان التصليح
ما أدري شو رايكم ؟!
بصراحة حق العمال ماينفع لهم الا المقصات،،،
تَقبّل أََطيّب المُنى،،،
المكينة ما تستحمل اليز المباشر لأنها اتحر (تسخن) بسرعه والطريقة المثالية لها القص العادي بالمقص وبعدها القص بالمكينه يعني خطوتين وشغل أكثر وأنا عندي مكينة من سنة ما قدرت أستخدمها أكثر من ربع ساعة لأنها توصل لحرارة كبيرة خلال 15 دقيقة من الإستعمال ولذلك أشتر المقص واختار النوع الأصلي وأول سنة بيتعبون العمال ولكن السنة الثانية بيكون القص أسهل لأن خبرتهم زادت والصوف أقصر عن السنة الأولى.
وتمنياتي لك بالتوفيق.
المقص التركي كرتون اصفر وفيه 2 وفك عمرك
تسلمون ع المعلومات الطيبه … صح العمال ماينفع لهم الا المقص …. تقبلوا مروري
كلام الجماعة صحيح
ماشي مثل المقص اليدوي كل يوم أربع أو خمس والامور طيبة
السلام عليكم و رحمة الله و بركاته
من وجهة نظري المكينة أفضل و بالنسبة لمسألة أن المكينة ما تصلح للعمال أنا أعتقد أن هذا يرجع لذكاء العامل و مهاراته واستيعابه , ومن خلال تجربتي الشخصية اشتريت مكينة وقعدت أقص فيها بنفسي جدام العامل لمدة أسبوع وعقب خليته يقص جدامي لمدة 3 أيام و علمته كيف يبطل المكينة قطعة قطعة و كيف ينظفها و يزيتها و الأمور طيبة الحمدلله لكن أهم شيء .. أهم شيء أن الحلال ينغسل بالماء والصابون زين لأن التراب هو العدو الأول للمكينة.
و هذي المكينة اللي أنا أستعملها
Heiniger Delta 3
السويسرية فقط لأن المكينة فيه منها صيني و فيه استرالي
وسعرها 1100 درهم و الشفرات و قطع غيارها متوفرة والمكينة زينة وما تاكل لحم
أنا أوافق أخوي العديد في هذا الأمر ، و في طرق معينة لجز الحلال راح أكتب فيها موضوع إن شاء الله …
.
.
.
.
.
أخوي العديد وين ألقى المكينة ؟
